Ауыл уттары
+20 °С
Болотло
Бөтә яңылыҡтар
Йәмғиәт
7 Февраль 2020, 12:26

Ветерандарға комплекслы медицина

Еңеү көнө алдынан табиптар, Башҡортостан ҡалаларына һәм райондарына сығып, ветерандарға комплекслы медицина тикшереүе үткәрә.

Транспортта йөрөтөү тыйылған һәм алыҫта йәшәгән Бөйөк Ватан һуғышы ветерандарына өйҙә диспансеризация үткәреү өсөн белгестәр бригадаһы — хирург, окулист, ортопед, невролог, уролог, кардиолог килә. Бөйөк Ватан һуғышы ветерандарын хеҙмәтләндереү айлығында бригадалар 4 806 тапҡыр барҙы. Бөйөк Ватан һуғышы инвалидтарына — 173 тапҡыр, Бөйөк Ватан һуғышында ҡатнашыусыларға — 360, тыл эшсәндәренә — 1 706, тол ҡатындарға – 857, блокадалы Ленинградта йәшәгәндәргә — 26, концлагерь тотҡондарына — 41.Ветерандар льготалы дарыуҙар менән тәьмин ителә, улар адрес буйынса илтеп тапшырыла, тип хәбәр итә республика Һаулыҡ һаҡлау министрлығының матбуғат хеҙмәте.
1 ғинуарға ҡарата, республиканың медицина ойошмаларында 700 Бөйөк Ватан һуғышында ҡатнашыусы һәм 309 инвалид, 17 641 тыл эшсәне, 6 144 тол ҡатын, «Блокадалы Ленинградта йәшәүсе» билдәһе менән бүләкләнгән 90 кеше, 93 элекке бәлиғ булмаған концлагерь тотҡоно диспансер иҫәптә тора.
Читайте нас: