Ауыл уттары
+19 °С
Болотло
Бөтә яңылыҡтар
Йәмғиәт
18 Март 2020, 11:05

Йыйып барырға кәңәш ителә

Көндәлек тормошта ҡулланыла

Йомортҡа көндәлек тормошта ярайһы ҡулланыла. Ә бына күптәр уның ҡабығын ташларға ғәҙәтләнгән. Белгестәр иһә уны сүп һауытына һалмаҫҡа, йыйып барырға кәңәш итә, сөнки унда үҫемлектәргә кәрәкле эзбис күп. Ул тупраҡтың әселеген кәметә, структураһын яҡшырта. Ҡабыҡты ерҙе ҡаҙығанда йәки орлоҡто сәскәндә һибергә була. Әлбиттә, иң элек йомортҡа ҡабығын киптерергә һәм тоҡсайға һалып, уҡлау менән төйөп, порошок һымаҡ хәлгә килгәнсе ваҡларға кәрәк.
Бешкән йомортҡа ҡабығын йыйырға тырышығыҙ, микробтарын бөтөрөү өсөн сей йомортҡа ҡабығын ике-өс минут һыуҙа ҡайнатып алырға кәрәк.
Йомортҡа ҡабығы менән тулыландырыуҙы кишер, кәбеҫтә, ҡыяр, шалҡан ярата. Еләк-емеш ағастарынан сейә, слива, һырғанаҡ эзбисҡа мохтаж. Был ҡалдыҡтарҙы иң беренсе сиратта уларға индерергә кәрәк.
Читайте нас: