Иғтибар! Үҙгәрештәр буласаҡ.

Транспорт министрлығы тимер юл транспортында пассажирҙар һәм багаж ташыу ҡағиҙәләренә яңы үҙгәреш, йәғни алыҫ араға сыҡҡан поездарға билет алған саҡта телефон һанын йәки башҡа бәйләнеш сараһын күрһәтеү талабы индерә. Яңы тәртип 3 майҙан ғәмәлдә.
– Был ғәҙәттән тыш хәлдәрҙә поезд хәрәкәте графигының үҙгәреүе тураһында һәм багажды урынлаштырыуҙа мәсьәләләр килеп тыуған осраҡта пассажирҙарға тиҙ генә хәбәр итеү өсөн эшләнде, – тип аңлата ведомство.
Хәҙер багажды өҫкө йәки аҫҡы урынға урынлаштырыу ҡаралған осраҡта, пассажир ниндәй урын биләүенә ҡарамаҫтан, уны тейешле ергә ҡуйыуҙа бөтә кешеләр ҙә бер үк хоҡуҡҡа эйә.