Иҫерек килеш бәхәсләшеп...

Баш ҡалабыҙҙа дуҫтар, иҫерткес эсемлек ҡулланғандан һуң, Оҙон күл буйына юллана. Әммә уларҙың сәйәхәте фажиғәле тамамлана.

Һыуҙағы был фажиғә 4 июлдә теркәлгән. Киске сәғәт алтынсы яртыла Өфө янындағы Оҙон күленә 24 йәшлек егет батып үлгән. Йәштәрҙең йыһазландырылмаған пляжда ял иткәне асыҡланған. Иҫереп алғас, бәхәсләшеп, күлде йөҙөп сығырға ҡарар итәләр. Икәүһе ярға уңышлы килеп етә, тик өсөнсөһөнөң хәле етмәй. Дуҫтары уны ҡотҡарыу өсөн һыуға ташлана, әммә һуң була. Хәҙер Өфө ҡалаһының ҡотҡарыу хеҙмәткәрҙәре күлдә эҙләү эштәре алып бара.

Махсус йыһазландырылған пляждарҙа ғына һыу инергә мөмкин икәнен онотмаһаҡ ине.