+1 °С
Болотло
Бөтә яңылыҡтар
Йәмғиәт
9 Июль 2020, 17:25
“Һыуҙағы фажиғәләргә ҡаршы – бергәләп!”
Башҡортостан Республикаһының Ғәҙәттән тыш хәлдәр буйынса дәүләт комитеты рәйесе Фәрит Ғүмәровтыңмөрәжәғәте. Эҫе көндәр башланыу менән республиканың йылға-күлдәрендә батып үлеүселәр һаны ҡырҡа артты. Ошо аҙнала ғына һыуҙа 6 кешенең ғүмере өҙөлдө. Иң аяныслыһы, 2 көн эсендә өс бала батып үлде: Бөрөлә, Салауатта һәм Ауырғазы районында. 14-17 йәшлек кенә үҫмерҙәр.
Оператив мәғлүмәттәр буйынса, йыл башынан алып республиканың һау объекттарында 73 бәхетһеҙ осраҡ булған. Статистика күрһәтеүенсә, һыу инеүселәр көндөң икенсе яртыһында – сәғәт көндөҙгө 2-нән киске 9-ға тиклемге осорҙа йыш бата.
Кешеләрҙең һыуҙа һәләк булыуының сәбәптәре билдәле, улар өсәү:
1) иҫерек хәлдә һыу төшөү;
2) таныш булмаған, бының өсөн тәғәйенләнмәгән урындарҙа һыу инеү;
3) һыу ингән балаларҙы ҡарауһыҙ ҡалдырыу.
Таныш булмаған, тыйылған урындарҙа һыу инмәҫкә саҡырам. Ундай урындарҙа көслө һыу аҫты ағымы, өйрөлмәктәр, батҡан ағастар, сөңгөлдәр, һыуыҡ шишмәләр булыуы ихтимал.
Эскән килеш йәки яңғыҙығыҙ ғына һыу инмәгеҙ, ярҙан алыҫҡа йөҙмәгеҙ, йылғаны йәки быуаны аша йөҙөп сығырға маташмағыҙ, көсөгөҙҙө артыҡ баһалап ташламағыҙ.
Балаларҙы һыу буйына үҙҙәрен генә ебәрмәгеҙ, һыу буйында ял иткәнегеҙҙә уларҙан күҙ яҙҙырмағыҙ. Һыу инеү өсөн махсус йыһазландырылған плаждарҙы ғына һайлағыҙ!
Һыуҙа хәүефһеҙлек ҡағиҙәләре уларҙы үтәмәүҙәре арҡаһында һәләк булғандарҙың әсәләре һәм туғандарының әсе күҙ йәше менән һуғарылған. Шуға ла үҙегеҙҙе һәм туғандарығыҙҙы һаҡлағыҙ! Һыу объекттарында хәүефһеҙлек талаптарын теүәл үтәгеҙ! Башҡаларға ла уларҙы боҙорға юл ҡуймағыҙ! Бергәләп кенә беҙ үҙебеҙҙе һәм яҡындарыбыҙҙы һыуҙағы фажиғәләрҙән һаҡлап ҡала алабыҙ!
Читайте нас:
© 2015-2024
Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01424 от 26 августа 2015 г.
Телефон
(347) 522-14-32
Электрон почта
Адресы
453680, Республика Башкортостан, Зилаирский район, с. Зилаир, ул. Ленина,64 А
Реклама хеҙмәте
(347) 522-14-86
Ҡабул итеү бүлмәһе
(347) 522-14-86
Кадрҙар бүлеге
(347) 522-13-61