Башҡортостандың бер интернат-йортонда 90-ға аяҡ баҫҡан кәләш менән кейәү туй үткәрә

Быйыл март айында Дүртөйлө районының Иҫке Байыш йорт-интернатында йәшәгән 88 йәшлек Зөһрә Таһирова менән 83 йәшлек Хәләф Хәбирәлов туй үткәрәсәк. Shot телеграм-каналынан хәбәр итеүҙәренсә, пенсионерҙар былтыр ошо учреждениела танышҡан.

Зөһрә Таһированың яҙмышы еңелдән булмай: ул ирен һәм балаларын ерләй. Былтыр үҙе лә саҡ үлемдән ҡала. Күп йылдар ҡатын Украинала йәшәй. Уның йорто хәрби хәрәкәттәр эпицентрына эләгә һәм емерелә. Инәй урманға ҡасырға мәжбүр була. Ике тәүлек буйына ул урманда йәшәй, уны ас һәм хәлһеҙләнгән хәлдә яугирҙәр табып ала.

Рәсәй һалдаттары уны Башҡортостанға, унда йәшәгән туғандарына, ебәрә. Шулай итеп ул ағаһына эләгә. Һуңыраҡ интернат-йортҡа күсә, унда Хәләф Хәбирйәлов менән таныша. Улар араһында хистәр тыуа, һәм ир уға тәҡдим яһай. Ҡатын ризалыҡ менән яуап бирә.

Автор:Гульгина Тагирова

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01424 от 26 августа 2015 г.

Телефон

(347) 522-14-32

Электрон почта

[email protected]

Адресы

453680, Республика Башкортостан, Зилаирский район, с. Зилаир, ул. Ленина,64 А

Реклама хеҙмәте

(347) 522-14-86

Ҡабул итеү бүлмәһе

(347) 522-14-86

Кадрҙар бүлеге

(347) 522-13-61