Комбайнға ут ҡапҡан

Ишембайҙа янғын һүндереүселәр КАМАЗ һәм комбайнды һүндергән. Башҡортостандың ғәҙәттән тыш хәлдәр министрлығы хәбәр итеүенсә, янғын Кинйәбулат шоссеһы буйындағы баҫыуҙа сыҡҡан.

20 минут эсендә янғын һүндерелгән. Ут һөҙөмтәһендә йөк прицеплы КАМАЗ һәм «ПАЛЕССЕ GS12»комбайны зыян күргән.

Ҡыҙғанысҡа күрә, 45 йәшлек ирҙең йөҙө һәм ҡулдары ныҡ янған. Ул реанимацияла ята. Уның хәле ауыр тип баһалана.

Сығанаҡ: https://gorobzor.ru/novosti/proisshestviya/197191-v-bashkirii-na-pole-vspyhnula-uborochnaya-tehnika?utm_source=yxnews&utm_medium=desktop