Бөтә яңылыҡтар
Теле барҙың иле бар
8 Октябрь 2019, 12:23

Башҡорт халыҡ мәҡәлдәре һәм әйтемдәре

Яңы уҡыу йылы башланғанға бер ай ҙа үтеп китте. Һеҙҙең иғтибарығыҙға ошо осорҙа бик актуаль булған уҡыуға, белемгә, ғилемгә һәм аҡылға ҡағылышлы мәҡәлдәр һәм әйтемдәр тәҡдим итәбеҙ. Уҡығыҙ, белегеҙ һәм ҡулланығыҙ!

Аҡыл аҡса таба.
Аҡыл йәштә түгел, башта.
Аҡыл көстө еңә.
Аҡыл – теҙген, ҡылыҡ – ат, теҙгенеңде белеп тарт.
Аҡылы ҡыҫҡаның теле оҙон.
Аҡыллы кешенең һүҙе алда булыр.
Белгән белгәнен эшләр, белмәгән бармағын тешләр.
Белгән беләкле, оло терәкле.
Белгәндең беләге ауыртмай.
Белдекле бер әйтер, бер әйтһә лә берәгәйле әйтер.
Беләктән белек көслө.
Күҙһеҙҙең күҙе һуҡыр, белекһеҙҙең күңеле һуҡыр.
Белеме барҙың ҡәҙере бар.
Донъя – йоҙаҡ, асҡысы – белем.
Кеше белем менән, ер яуын менән йәшәрер.
Ҡул ҡыла алмағанды белем ҡыла.
Белемле ҡыҙ – бирнәле ҡыҙ.
Белемлегә йот юҡ, белемһеҙгә ҡот юҡ.
Белемһеҙ белмәҫ, йүнгә кермәҫ.
Белемһеҙ кеше – һуҡыр кеше.
Белеү – нур, белмәү – хур.
Белмәгән йүләр белгәдән көлөр.
Алтын дәүләт түгел, ғилем дәүләт.
Байлыҡ боҙға яҙған, ғилем ташҡа яҙған.
Ғилем – аҡылдың яртыһы.
Кешенең ҡәҙере ғилем менән.
Ҡулында китап булғандың башында ғилем булыр.
Тән зиннәте – кейем, аҡыл зиннәте – ғилем.
Ғилемһеҙ ғалим – емешһеҙ ағас.
Уҡыу күңел нуры, уҡымай ҡалған – кеше хуры.
Уҡыған ил уҙыр, уҡымаған ил туҙыр.
Уҡыған уғыл – атанан оло.
Наҙан бер һөнәрле, уҡыған мең һөнәрле.
Уҡығандың теле икәү.
Әҙәм уҡыу менән таба, ҡарға – суҡыу менән.