Ауыл уттары
+15 °С
Болотло
Бөтә яңылыҡтар
Теле барҙың иле бар
15 Апрель 2020, 00:34

ӨЙҘӘ УЛТЫРАБЫҘ, ДИКТАНТ ЯҘАБЫҘ

Илдәге һәм донъялағы эпидемиологик хәлдәргә бәйле быйыл башҡорт теленән халыҡ-ара диктантты беренсе тапҡыр “Башҡортостан юлдаш тедевидениеһы” һәм интернет селтәре аша тулыһынса онлайн-форматта уҙғарыласаҡ. Акцияла ҡатнашыу өсөн https://bashkdictant.ru/ сайтында теркәлеү талап ителә.

Шулай итеп, 25 апрелдә Өфө ваҡыты менән иртәнге сәғәт 11-ҙә «Башҡортостан юлдаш телевидениеһы» телеканалында, «Бәйләнештә», «Instagram» социаль селтәрҙәрендә, «YouTube» видеохостингында диктаторҙар диктант тексын тура эфирҙа уҡый башлай:
сәғәт 11:00-дән сәғәт 11:15-кә тиклем – башҡорт телен башланғыс кимәлдә белеүселәр өсөн;
сәғәт 11:30-ҙан сәғәт 11:55-кә тиклем – башҡорт телендә иркен аралашыусылар өсөн;
сәғәт 12:00-дән сәғәт 12:20-гә тиклем – башҡорт теленең төньяҡ-көнбайыш диалектында яҙыусылар өсөн.
Акцияла һәр ҡатнашыусы диктантты үҙ аллы өйҙә яҙа ала. «Интернет» мәғлүмәт-телекоммуникация селтәре аша яҙған ҡатнашыусыларҙың эштәре https://bashkdictant.ru/ сайтындағы шәхси кабинет аша ҡабул ителә. Шулай уҡ яҙма эштәрҙең фотоһын, скан вариантын [email protected] электрон почтаһына, +7 (927) 950-02-66 Whatsapp мессенджер номерына 2020 йылдың 26 апреленә 23сәғәт 59 минутҡа тиклем ебәрергә мөмкин.
Шул уҡ ваҡытта диктантты 2020 йылдың 26 апрелндә 23сәғәт 59 минутҡа тиклем http://bashkdictant.ru рәсми сайтында һәм ойоштороусыларҙың социаль селтәрҙәрҙәге сәхифәләрендә (www.instagram.com, https://vk.com/bash_fond) эфирҙың видеояҙмаһын ҡарап яҙырға мөмкин.
Диктант темаһы һәм тексы ойоштороусылар тарафынан билдәләнә.
Диктантта ҡатнашыусыларға сертификаттар Сайттағы шәхси кабинеттары аша йә электрон почтаға ебәреләсәк.
Акция ҡатнашыусыһы булып енесенә, расаһына, милләтенә, теленә, сығышына, матди һәм вазифа хәленә, йәшәгән урынына, дингә мөнәсәбәтенә, инаныуҙарына, йәмәғәт берекмәләренә инеү-инмәүенә, шулай уҡ башҡа хәлдәргә ҡарамаҫтан һәр кеше ҡатнаша ала.
Акцияның рәсми һөҙөмтәләре 30 көн арауығында https://bashkdictant.ru/ сайтында баҫтырылып сығасаҡ.
Диктаторҙар:
  1. Зәйнетдинов Заһир (мульти-инструменталист, шоумен) - башҡорт телен башланғыс кимәлдә белеүселәр өсөн;
  2. Мурзина Флүрә («Хәбәрҙәр» программаһының алып барыусыһы) - башҡорт телендә иркен аралашыусылар өсөн;
  3. Сәлимов Марсель (сатирик яҙыусы, шағир, публицист, тәржемәсе) - башҡорт теленең төньяҡ-көнбайыш диалектында яҙыусылар өсөн.
  4. Читайте нас: