Ауыл уттары
-3 °С
Болотло
Бөтә яңылыҡтар
Теле барҙың иле бар
18 Апрель 2023, 10:15

20 апрель «Башҡорт теленән халыҡ-ара диктант – 2023» акцияһы үткәрелә!

Сара онлайн һәм оффлайн форматта уҙғарыла.

20 апрель «Башҡорт теленән халыҡ-ара диктант – 2023» акцияһы үткәрелә!
20 апрель «Башҡорт теленән халыҡ-ара диктант – 2023» акцияһы үткәрелә!

Башҡорт теленән Халыҡ-ара диктант акцияһы 20 апрель 11.00 сәғәттә башлана. Диктант яҙырға теләүселәр өсөн Йылайыр районының ауыл китапханаларында майҙансыҡтар ойошторола.

2023 йылдың 20 апрель көнө 11:00 сәғ. (Өфө ваҡыты) тура эфирҙа «Башҡортостан юлдаш телевидениеһы» телеканалында, «Бәйләнештә» социаль селтәрендә, телеграм-каналда диктаторҙар диктант тексын тура эфирҙа уҡый башлай:
📎 11.00 сәғәттән 11.25 сәғәткә тиклем – башҡорт телен башланғыс кимәлдә белеүселәр диктант яҙа;
📎11.30 сәғәттән 12.00 сәғәткә тиклем – башҡорт телендә иркен аралашыусылар диктант яҙа;
📎 12.05 сәғәттән 12.30 сәғәткә тиклем – башҡорт теленең төньяҡ-көнбайыш диалектында диктант яҙа.

Һәр ҡатнашыусының диктантты өйҙә үҙ аллы яҙыу мөмкинлеге бар. Тамамланғас, диктант яҙылған ҡағыҙҙы фотоға төшөрөп, электрон почтаға [email protected] йәки телеграмма-ботҡа https://t.me/bash_dictant_bot 2023 йылдың 23 апреле 23:59 сәғәткә тиклем ебәрергә кәрәк.

Диктантта ҡатнашыусыларға сертификаттар электрон почтаға йә телеграм-боттан ебәреләсәк.

Акция ҡатнашыусыһы булып енесенә, расаһына, милләтенә, теленә, сығышына, матди һәм вазифа хәленә, йәшәгән урынына, дингә мөнәсәбәтенә, инаныуҙарына, йәмәғәт берекмәләренә инеү-инмәүенә, шулай уҡ башҡа хәлдәргә ҡарамаҫтан һәр кеше ҡатнаша ала.

Акцияның рәсми һөҙөмтәләре 30 көн арауығында https://bashdictant.ru/ сайтында баҫтырылып сығасаҡ.

#башҡорттелендәдиктант #башдиктант #башдиктант2023
#диктантпобашкирскомуязыку #башҡортсадиктантяҙам #Башкортостан #БашФонд

Автор:Гульгина Тагирова
Читайте нас: