Иңдәрендә – яуаплы хеҙмәт

Байрам алдынан Рәсәй Эске эштәр министрлығының Йылайыр районы буйынса бүлексәһендә Йылайыр районы хакимиәте башлығы Борис Николаевич Мелкоедов, бүлексә  етәксеһе, подполковник Рөстәм Рәшит улы Амантаев һәм бүлексәнең шәхси составы ҡатнашлығында тантаналы йыйылыш үтте.

Рөстәм Рәшит улы Амантаев үҙ докладында райондағы криминоген  хәлдәргә байҡау яһап, теге йәки был өлкәлә ниндәй һөҙөмтәләргә өлгәшеүҙәре, был һөҙөмтәләр артында полиция хеҙмәткәрҙәренең көсөргәнешле эшмәкәрлеге ятыуы  хаҡында мәғлүмәт биреп, бына нимәләр һөйләне:

• Полиция хеҙмәткәрҙәренең төп бурыстарының береһе – енәйәттәрҙе асыҡлау. Уларҙы иҫкәртеү һәм асыҡлау ҙур яуаплылыҡ, оперативлыҡ талап итә. Был йәһәттән Рәсәй министрлығының Йылайыр районы буйынса бүлексә начальнигы урынбаҫары Илдар Айҙар улы Атауллин етәкселегендә полиция майорҙары Заһир Зөфәр улы Аҙнағолов, Алексей Юрьевич Шаров, полиция капитандары Алишер Шералиевич Әминов һәм Андрей Андреевич Кирилловтың хеҙмәте ҙур баһаға лайыҡ.

Енәйәт эштәрен тикшереү кеүек ауыр һәм мөһим эште юстиция майоры Камил Рәүеф улы Һеләүһенов етәкселегендәге тәфтиш төркөмө алып бара. Төркөм составында юстиция капитаны Бүләк Кинйәбай улы Ҡашҡаров һәм юстиция кесе лейтенанты Вера Александровна Полякова уңышлы эшләй.

Енәйәт эштәрен тикшереү бүлеге  хеҙмәткәрҙәре, полиция майорҙары Альбина Рафаил ҡыҙы Рыҫкилдина, Наил Хәлил улы Ғөбәйҙуллин, полиция капитаны Роберт Шәфҡәт улы Салауатовтың хеҙмәте лә баһалап бөткөһөҙ.

Йәмәғәт именлеге һағында тороусы тағы ла бер мөһим төркөм  – полицияның участка вәкилдәре бар. Полиция капитаны Илмир Йәмил улы Ильясов етәкселегендәге өлкән майор Нуритдин Имаметдин улы Мәхмүтов, майор Сергей Сергеевич Сычев, капитандар Фирғәт Фәрит улы Сырлыбаев, Сергей Николаевич Алексеев, Максим Александрович Лаптев, шулай уҡ полицияның өлкән лейтенанты Тимур Тимерйән улы Йәнтилин үҙ проблемалары менән килгән граждандарға һәр ваҡыт ярҙам итергә әҙер.

Полиция капитаны Нур Мөдәрис улы Аҡҡужин етәкләгән юл хәрәкәте хәүефһеҙлеге буйынса дәүләт инспекцияһы подразделниеһының шәхси составы ла үҙ эшенә яуаплы ҡарай.  Полицияның өлкән лейтенанты Рушан Рәйес улы Вәлиевтың, полиция лейтенанттары Фәнүр Зиннур улы Яҡшембәтов һәм Тимур Вадим улы Илембәтовтың эше баһалауға лайыҡ.

Полиция хеҙмәтенең дежур бүлеге тәүлек әйләнеһенә мөрәжәғәт иткән һәр кешегә ярҙамға килә. Был йәһәттән, халыҡҡа  ихтирамлы, иғтибарлы  булыуҙары менән айырылып торған полиция капитандары Урал Азат улы Ғәлиәкбәров менән Радик Ғәлимйән улы Теүәлевте, өлкән лейтенант Заһир Рафиҡ улы Солтанғоловты билдәләп үтергә кәрәк. Полиция сержанты Алексей Андреевич Прошкуратов, старшиналар Сергей Александрович Чекушкин, Николай Сергеевич Чельдинов, полиция сержанты Азамат Факил улы Ҡадаев үҙ бурыстарын намыҫ менән башҡарыуы ҡыуандыра.

Иң яуаплы эштәрҙең береһе булған ғәйепләнеүселәрҙе ваҡытлыса тотоу изоляторының шәхси составына ингән хеҙмәткәрҙәр полиция подполковнигы Рушан Рамаҙан улы Бикбулатовтың,  өлкән лейтенант Васил Рәсүл улы Ураҡовтың, дежур төркөм ярҙамсылары булған сержанттар Салауат Сәлимйән улы Улйәбаевтың, Илфат Рафаил улы Солтановтың, кесе сержант Ғәҙел Сәйет улы Шаһиевтың хеҙмәте айырыуса ауыр тип билдәләр инек.

Йәмәғәт тәртибен һаҡлауға һәм енәйәтселек менән көрәшкә был өлкәлә эшләүсе полиция-водителдәр – өлкән полиция сержанты Сергей Андреевич Мамыкин, полиция старшинаһы Сәлихйән Сәлимйән улы Аҡҡужин һәм полиция сержанты Юнир Наил улы Зәйнуллин ҙур өлөш индерә, – тине ул үҙ сығышында.

Шулай уҡ Рөстәм Рәшит улы, Ғәфүр Айҙар улы Байморатов менән Анатолий Иванович Щипакин  етәкселегендәге полиция бүлегенең ветерандар ойошмаһына йәш хеҙмәткәрҙәр менән тәжрибә уртаҡлашыуҙары һәм тығыҙ хеҙмәттәшлек итеүҙәре  өсөн рәхмәт белдерҙе. Тағы ла,  тәртип һағында тороусыларҙың ғаиләләренә һәм яҡындарына, уларҙың ауыр эшен аңлап ҡабул иткәндәре өсөн йылы теләктәрен еткерҙе, сөнки уларҙың хеҙмәтендә ышаныслы тыл булыуы айырым әһәмиәткә эйә лә инде. Сығышы аҙағында Рөстәм Рәшит улы бар коллегаларын,  полиция ветерандарын һөнәри байрамдары менән ҡотлап, һаулыҡ теләне,  артабан да биргән антҡа тоғро ҡалып,  үҙ бурыстарын профессиональ һәм ышаныслы үтәйәсәктәренә ышаныс белдерҙе.

Район хакимиәте башлығы Борис Николаевич Мелкоедов үҙенең ҡотлау һүҙендә бүлексә коллективына хеҙмәткә намыҫлы мөнәсәбәте, илдәге ҡатмарлы хәлде аңлауы, енәйәтселеккә ҡаршы тороуы, йәмәғәт тәртибен һаҡлау буйынса эшмәкәрлеген тормошҡа ашырыу барышында урындағы үҙидара органдары, хеҙмәт коллективтары һәм йәмәғәт ойошмалары менән үҙ-ара килешеп эш итеүе өсөн рәхмәт белдерҙе һәм хеҙмәт алдынғыларына Йылайыр хакимиәтенең Почет грамоталарын тапшырып үтте.

Артабан һүҙ бүлексәнең ветерандар ойошмаһы етәксеһе Ғәфүр Айҙар улы Байморатовҡа бирелде. Коллегаларын һөнәри  байрам менән ҡотлап, бүлексә етәкселегенә,  коллектив ветерандарының  ихтыяждарына һәр ваҡыт иғтибарлы булғандары  өсөн  рәхмәт белдерҙе. Шулай уҡ, быйыл үҙҙәренең юбилейҙарын билдәләгән ветерандарға Рәсәй Эске эштәр министрлығының төбәк ветерандар ойошмаһынан иҫтәлекле бүләктәр тапшырҙы.

Сара һуңында хеҙмәттә юғары күрһәткестәргә өлгәшкәндәрҙе  ведомство наградалары менән бүләкләү тантанаһы үтте. Рәсәй Эске эштәр министрлығының «Хеҙмәттәге отличиеһы өсөн» беренсе дәрәжә миҙалы менән полиция капитаны Урал Азат улы Ғәлиәкбәров,  шундай уҡ  икенсе  дәрәжә миҙал менән полиция майоры Альбина Рафаил ҡыҙы Рыҫкилдина, өсөнсө дәрәжә миҙалы менән полиция капитаны  Алишер Шералиевич Әминов бүләкләнде.

Эске эштәр хеҙмәткәрҙәренең эше, йырҙа йырланғанса, хәүефле лә, ауыр ҙа. Ғүмерен яуаплы хеҙмәткә бәйләгән был һөнәр эйәләренә эштәрендә уңыштар, яңы үрҙәр теләп ҡалабыҙ.

Евгений ГОРДОВ фотолары.