Беҙҙең көрәшселәр алдынғылар рәтендә

Башҡортостан Республикаһында милли көрәште популярлаштырыу һәм үҫтереү, ҡатнашыусыларҙың техник һәм тактик оҫталығын күтәреү, йәштәр араһында физик культураны һәм спортты пропагандалау һәм артабан үҫтереү маҡсатында ағымдағы йылдың 15 нояберендә Ейәнсура районы Иҫәнғол ауылында, “Атайсал” зона форумы сиктәрендә, Украиналағы хәрби операция зонаһында һәләк булған яугирҙәр иҫтәлегенә арналған көрәш буйынса турнир үтте. Турнирҙа Ейәнсура, Күгәрсен, Хәйбулла, Йылайыр, Көйөргәҙе, Мәләүез райондарынан һәм Күмертау ҡалаһынан көрәшселәр ҡатнашты. Көсөргәнешле бәйгелә беҙҙең район көрәшселәре яҡшы һөҙөмтәләр күрһәтеүгә өлгәште һәм Эрик Горшенин, үҙ ауырлыҡ категорияһында 1 урынды яулап,  турнир чемпионы титулына эйә булды.